Miljø KLIMAPLAN
Hareid kommune har gjennom deltaking i eit samarbeidsprosjekt under utarbeiding lokal klimaplan.
Med i prosjektet er Høgskulen i Volda, Møreforskning Volda, Enøk-senteret Ørsta, Tussa Kraft as, Volda - Ørsta Reinhaldsverk og kommunane Hareid, Herøy, Hornindal, Sande, Sula, Ulstein, Vanylven, Volda og Ørsta.
Det er i samfunnsdebatten nytta ulike omgrep innanfor planområdet klima. Gjennom det aktuelle planprosjektet har vi valt å nytte klimaplan som eit overordna omgrep. Andre omgrep som er nytta er m.a. Energi- og miljøplan, Energi- og klimaplan, Miljø- og energiplan.
Med omgrepet lokal klimaplan forstår vi: Ein plan som skal medverke til lågast mulig miljøbelastning frå lokalsamfunnet, gjennom effektiv energibruk, god utnytting av lokale fornybare energiressursar, god arealplanlegging og fokus på klimatiltak generelt.
I Hareid er det formannskapet som er oppnemnd til styringsgruppe i prosjektet. I kommunen er det elles oppnemnd ei arbeids-/prosjektgruppe underlagt den lokale styringsgruppa. Arbeids-/prosjektgruppa er slik samansett:
- 2 politiske representantar oppnemnde av formannskapet: Annika Brandal, Inga Ishild Hareide.
- 1 ungdomsrepresentant oppnemnde av ungdomsrådet: Merete Haddal Bjåstad
- 2 representantar oppnemnde av rådmannen: Hallvard Sæverud, Odd Arne Vikebakk.
Kommunen sin kontaktperson i prosjektet er Hallvard Sæverud.
For nærare opplysningar om klimaplanprosjektet sjå: http://hivolda.no/klimaplan
|
|
|
|