Helse og sosial

Område for helse og sosial i Hareid kommune har som målsetting å sikre innbyggarane i kommunen gode helse- og sosiale tenester som skal vere med å betre innbyggarane sine levekår. Dette omfattar følgjande tenester:

Allmenn legeteneste, legevaktordning, fysioterapitenester, helsestasjonsteneste med skulehelseteneste og helsestasjon for unge. Dette omfattar også foreldrevegleiingsgrupper, jordmorteneste og svangerskapskontrollar. Smittevern, publikumsvaksinasjon, miljøretta helsevern og anna førebyggande arbeid etter kommunehelselova og opplysnings- og informasjonsverksemd for innbyggarane i kommunen.

Råd og rettleiing til sosialt vanskelegstilte, rusmisbrukarar og deira familiar, flyktningar og andre. Sakshandsaming etter lov om sosiale tenester. Gjeldsrådgjeving. Sosiale tenester til funksjonshemma. Saker etter lov om barneverntenester, hjelpe- og omsorgstiltak.