I år går posten til julenissen frå Hareid!

I dag kom sjølvaste julenissen på besøk til bygda! Med seg hadde han ein spesiallaga postkasse for å ta imot alle juleønska frå Sunnmøre.

Klikk for stort bileteJulenissen har satt igjen postkassa si på Hareid. Han håper den er smekkfull av ønske når han kjem tilbake for å tøme den 18. desember. Erlend Friestad  

Vi oppmodar små og store – anten det er ullsokker, playstation, sminkedukke eller snille barn du ønsker deg – om å dele ønska med julenissen.

Alle som legg ønskeliste i postkassen blir med i trekninga av gåvekort frå butikkane på Hareid. Ta gjerne bilete eller video når du besøker postkassa og del i sosiale medium. Dersom du merkar dei med #mitthareid og #vekstihareid vil du få ekstra lodd i gåvekorttrekninga.

 


Nissen kjem sjølv og hentar juleposten heim til Nordpolen 18. desember. Det er mogleg å legge i ønske etter dette, men dei vil ikkje nå Nordpolen i tide til gåvekorttrekninga.

Hugs også å merke ønskelistene med namn og telefonnummer om du vil vere med i trekninga av gåvekort – elles vil ikkje julenissen vite kven som skal ha gåvekortet.

PS: Har du sett den nye instagramkontoen til Hareid kommune "Mitt Hareid"? Her promoterer vi bulyst og reiseliv i kommunen.