Omsynet til personvern vert i vareteke ved at:

• opptaka vert lagra lokalt med SSIKT, som Hareid kommune har databehandlaravtale med
• det er avgrensa kven som har tilgang til å sjå opptaka
• det er avgrensing av tid for lagring av opptak
• det vert gitt informasjon om overvaking til bl.a. tilsette, elevar og føresette og
• område vert skilta

Det er kommunal eigedom som vert overvaka.

Ved Hareid skule er det skuleplassen og inngangane som vert overvaka.
Ved utelager er det plassen mot stadion som vert overvaka, der sand og anna utstyr vert oppbevart.
På Ovrasanden er det område rundt sanitæranlegget som vert overvaka.

Ved helsehuset blir fasade/gate overvaka, i tillegg til nærbilete ved inngangar. Venterom om ambulansegarasje vert overvaka i sanntid.

Opptak kan berre utleverast til Politiet i forhold til straffbare handlingar eller ulykker. Opptaka kan ikkje utleverast til uvedkommande. Det kan vere mogleg å krevje innsyn dersom ein er ein del av opptaket. Det er då snakk om å sjå opptaket. Det er ikkje løyve til å publisere opptaket.

All overvaking skal skiltast og dei som vert omfatta av overvakinga skal få særleg informasjon om dette. Skjult overvaking er ikkje tillate.

Skiltinga skal vere godt synlege og settast der det er vanleg å gå inn i området. Med det vonar vi å oppnå førebyggjande effekt.

Det må etablerast internkontroll som gjer at lovverket vert følgt. Ved uønska hending knytt mot rutine skal det meldast avvik.

Datatilsynet - Kameraovervaking - kva er lov?

Datatilsynet - Spesielt om kameraovervaking arbeidslivet