Feelgood Horns Henrik Fjelberg

Pål Andre Grimstad Worren, Niklas Joelsen og Daniel Deltchev saman utgjer blåserekka i The Feelgood Orchestra, og heiter høveleg nok The Feelgood Horns. Saman spelar dei jamnleg på dei store scenene saman med dei store artistane - ofte for den lukka bedriftsmarkaden, iblant på scener som er åpne for alle. Dei siste åra har dei vore fast inventar på Storfjord kulturhus på Stranda i romjula, og berre dei siste månadane har dei stått på scena saman med artistar som Ramon, Synne Vo, Ruben, Espen Lind, Vinni og Atle Pettersen for å nemne nokon. No er dei klare for å ta med seg litt figurativ dynamitt til Hareidsstemna og vise korleis hareidsdølingar i eksil kan høyrest ut i fullt frislepp.