Aktivitetsdagar 2022

Den siste veka i juni og den fyrste veka i juli vart det arrangert aktivitetsdagar for ungdommar på Hareid. Det vart varierte dagar med over 100 ungdommar frå 5. - 10. klasse

SUFH  

Denne artikkelen er over eitt år gamal og kan innehalde utdatert informasjon.

Ungdommane fekk vere med på mange ulike aktivitetar  innan idrett, friluftsliv, musikk og film. Det var ballaktivitetar, tur til trampolinepark, frisbeegolf, teamoppgåver i «Kompani Hareidsdølen», bading, musikkproduksjon og filmskaping.  Ungdomane fekk kjenne på både meistring og noko å bryne seg på, og nye vennskap vart skapt. Tilbakemeldingane frå foreldre, leiarar og ungdommane sjølve vitna om strålande dagar i all slags ver.  

 

Aktivitetsdagane vart arrangert av Hareid kommune i samarbeid med Sunnmøre Folkehøgskule, og med støtte frå Sparebanken Møre og Gjensidigestiftelsen.