Torsdag 17. september kl 18.00 er det duka for allmøte der innbyggjarane i Hareid kan få seie si meining rundt planane om Hareid Innovasjonssenter og parken i Åsendalen.
Prosjektet er eit resultat av at ein ønskjer å få dekka fleire behov i kommunen på ein kostnadseffektiv måte ved å samlokalisere desse i eitt bygg. I prosjektet ligg det i dag forslag om å inkludere kontorlokale, møterom og amfi for næringslivet, eit fullverdig kulturhus, utandørs kulturscene, musikk- og kulturskule, ungdomsskule, ei form for handel eller trivselsskapande aktivitet mot Miljøgata og på toppen av alt få realisert eit parkareal med møteplassar i kjerna av Hareid sentrum.
Interessert i næringslivsnyheiter frå Hareid kommune? Lik Vekst i Hareid på Facebook.
Det er viktig å poengtere at dette er eit prosjekt i støypeskeia og at vi i denne fasen av prosjektet ikkje låser oss i dei planane som er lagt. Kanskje sit nettopp du på ein kjempegod idè som burde inkluderast i dette?
Vi håper derfor at mange engasjerer seg å møter opp denne dagen. Skal vi få til noko må vi stå saman og bygge framtida til Hareid ilag. Vel møtt!
Les meir om hendinga på Facebook-arrangementet.