Erlend Friestad
Det har kome til fleire nyoppståtte tilfelle av omgangssjuka både blant leigetakarane på Hadartun, blant pasientane på sjukeheimen og blant tilsette.
Norovirus er den vanlegaste årsaka til det som på folkemunne blir kalla omgangssjuka. For personar med normalt immunforsvar, varer sjukdomen normalt 1-3 dagar. Eldre og personar med svekka immunforsvar kan få meir langvarig og alvorleg sjukdom.
Viruset er svært hardført. Det kan leve på overflatar lenge og toler også oppvarming, frysing og alkoholbaserte desinfeksjonsmidlar. Det skal også svært få virus, ned mot 10, for å bli smitta. Når mange personar bur tett og brukar same lokale, er smitterisikoen derfor veldig stor.
Slike utbrot er sjølvsagt krevjande for dei som blir råka, men det fører også til mange ekstrakostnadar for kommunen i form av mellom anna overtid- og vikarkostnadar.
Kva gjer vi?
- Vi omdisponerer reinhaldspersonale for å sikre rett reinhaldsnivå på dei stadane som er mest utsette.
- Vi bemannar opp heimesjukepleia med ein person både på dag og kveld.
- Vi stenger sjukeheimen og omsorgsbustadane for besøk.
- Vi avlyser alle arrangement på sjukheimen
Kva gjer du?
- Ha god handhygiene. Sidan viruset kan overleve lenge, er det særleg viktig med god handhygiene. Då er anbefalinga å nytte grundig handvask med såpe – for å vaske av eventuelle virus. Handsprit har mindre effekt, då noroviruset toler dette.
- Ver særleg nøye på reinhald i omsorgsbustadane. Dette er bebuarane sine private heimar, så det er den enkelte sitt ansvar å sikre godt reinhald. Vi kontaktar alle pårørande for å leggje til rette for at dette blir gjort tilfredsstillande.
Spørsmål?
- Pårørande til bebuarar på sjukeheimen kan ringe 90964007 viss dei har spørsmål.
- Pårørande til brukarar av heimesjukepleie kan ringe 91566734 viss dei har spørsmål.
Vi takkar for forståinga!