JUHUU! SOMMARLES!!!

 

Lesekampanjen som verkeleg inspirerer til lesing!

Alle, frå dei som skal byrje i 1. klasse til hausten til dei som går ut av 7. klasse i år kan vere med:)

Registrer bornet ditt på Sommarles.no. Der finn du all informasjon om kampanjen.

Kodeorda til dei ulike kapitla i Sommarles finn du under her. Dei vert også lagt ut kvar mandag på facebooksida vår. Du finn dei også alltid gøymt i biblioteket:)

Biblioteket inviterer til ei høgtlesingsstund i barneavdelinga😊

 

For barnehageborn, frå 4 år.

Vil du vere saman med andre og spele brettspel? Denne laurdagen vert langborda i biblioteket via til brettspel for store og små. Biblioteket har ei samling med ymse spel, men ta gjerne med deg spel du har heime.

 

Det er ynskje frå folk her på Hareid om å ha faste brettspelkveldar på biblioteket. Er du ein av dei som kanskje har lyst til å hjelpe til med å få til det?
Ta kontakt med biblioteket:)

Nybiblioteket har vore ope 1 år no og det skal feirast!

 

Velkomen til Lurivars utebibliotek ved boktua på Rotarystien!
 
Å få lese bøker om sommaren må vere noko av det kjekkaste som finst, difor har tunkatten Lurivar frå Aasentunet laga sitt eige utebibliotek ved «boktua» på Rotarystien. Her kan du ta ei pause og lese i ei av dei fine bøkene som ligg i kassa.

Når du er ferdig med å lese, er det fint om du skriv namnet ditt i gjesteboka før du går.

Hugs å legg bøkene attende i kassa og legg på loket før du går. Ha ei glitrande fin sommarlesestund!

 

Fredag 17.juni reiser damene i CorSonus til Bergen for å delta i Grieg International Choir Festival. Denne junikvelden får du høyre songane dei skal synge i konkurransa. 
Velkomen til ein mini-konsert på biblioteket:) 

 

Christine Schwarz kjem til biblioteket med masser av inspirasjon til redesign. Ho kom ut med boka "Redesign - sy fantastiske klede av loppisfunn og gamle plagg" i fjor og er godt kjend på Instagram under profilen "Silke og dynamitt".

 

Skap di heilt unike garderobe med eller utan symaskin.

Sy om kleda dine eller sy nytt av gamle tekstilar og skap ein miljøvennleg og unik garderobe. Christine Schwarz viser deg korleis du kan trylle fram nye plagg frå gløymde skattar.

Christine Schwarz (f. 1990) er oppvaksen i Basel og Florø og bur i Oslo. Ho er utdanna innanfor kultur og leiing og har tidlegare studert tekstilkunst og saum. Schwarz jobbar som administrasjonsleiar i forlag på dagen og syr om gamle klede på kvelden.

Arrangementet er gratis og ope for alle.

Beskjed i frå Christine Schwarz:«Hei!

Eg gler meg til å komme på besøk og snakke om redesign! Viss du har eit plagg eller eit stoff du gjerne kunne tenke deg å sy om, men er litt usikker på korleis du skal komme i gang med, ta det med deg på foredraget! Så kan vi utveksle idear på slutten! :) 

 

Dette blir kjekt! 

 

Helsing Christine»

Arrangementet er ein del av Litteraturhus i Møre og Romsdal.
Bjørnsonfestivalen og Nynorsk kultursentrum samarbeider om å gi folk i heile fylket eit godt og variert litteraturtilbod gjennom Litteraturhus i Møre og Romsdal. Prosjektet er støtta av Møre og Romsdal fylkeskommune, Norsk kulturråd, Sparebankstiftelsen SMN, Sparebank 1 Søre Sunnmøre, Sparebank 1 Nordvest, GassROR IKS og kommunane i Møre og Romsdal.

VELKOMEN

Ynskjer alle ei fin 17.mai-feiring!

 

 

 

 

17. mai er biblioteket stengt.

Med:
Kjell Einar Ljones, Lindis Eliassen, Ulstein Mannskor, Ingrid Nerhoel, Vibeke Holstad og Ingmar Mork.

 

Tidlegare kommunelege i Hareid, Kjell Einar Ljones, møtte Per Sivle sine dikt og fortellingar på Voss i sin ungdom. Sidan har han aust av denne kjelda for seg sjølv og til glede for andre.
Lindis Eliassen er altfor lite brukt som opplesar. Denne kvelden tolkar ho dikt Sivle har skrive i ulike sinnstemningar.
Ulstein Mannskor skal synge to nasjonale songar med tekst av Per Sivle.
Vibeke Holstad, Ingmar Mork og Ingrid Nerhoel skal synge nokre av dei tonesette Sivle-dikta som vi kjenner best: "Den fyrste song" og "Å, vesle lerka". Dei kjem også med eit ganske nytt arrangement av eit anna dikt Per Sivle skreiv om mor si.

Desse litteraturkveldane har samla fullt hus, så det løner seg å vere tidleg ute.

Gratis inngang, men vipps gjerne til 617596 for at vi kan ha slike arrangement på biblioteket.

VELKOMEN.

Halvor Folgerø, journalist, musikar og forfattar frå Stord og tilsett i NRK i ei årrekke, kjem til biblioteket med eit foredrag rundt boka si "Vestlandsvegar - historier om farlege og spekatakulære vegstrekk".

 Dette er historia om då vegane vart bygde, men minst like viktig er forteljinga om korleis det var å leve med slike vegar.

I dag er mange av skrekk-vegane erstatta av tunnellar. I foredraget tek Halvor Folgerø oss med på ei reise tilbake i tid og på utsida av tunnellane, til både berykta og berømte vegar. Nokre vegstrekk er kjende og ikoniske, som Måbødalen, Tokagjelet og Ørnevegen i Geiranger. Andre er meir bortgøymde, men alle ligg i dramatisk natur, og har vore krevjande å ferdast på.

Halvor Folgerø lovar eit spesialtilpassa foredrag for sunnmørspublikummet.

Arrangementet er gratis og ope for alle.

Notabene vil selje boka i biblioteket.

Biblioteket har teleslynge.

Arrangementet er ein del av Litteraturhus i Møre og Romsdal.
Bjørnsonfestivalen og Nynorsk kultursentrum samarbeider om å gi folk i heile fylket eit godt og variert litteraturtilbod gjennom Litteraturhus i Møre og Romsdal. Prosjektet er støtta av Møre og Romsdal fylkeskommune, Norsk kulturråd, Sparebankstiftelsen SMN, Sparebank 1 Søre Sunnmøre, Sparebank 1 Nordvest, GassROR IKS og kommunane i Møre og Romsdal.

VELKOMEN