Bustadtilskot skal hjelpe eldre, personar med nedsett funksjonsevne og andre med langvarig låg inntekt til å etablere seg i eller behalde ein eigna og tilpassa bustad.

Kven kan få tilskot?

Tilskot vert gitt etter individuell og streng økonomisk behovsprøving. Kommunen prioriterer:

• Personar med nedsett funksjonsevne som har behov for å tilpasse bustaden sin
• Eldre som ønsker å tilpasse bustaden sin for å kunne fortsette å bu heime
• Barnefamiliar som har behov for ein stabil og trygg bustad
• Husstandar med langvarig og dårleg økonomiske situasjon

Kva kan tilskotet nyttast til?

• Bustadetablering saman med startlån
• Tilpassing av bustad (t.d. bad, inngang, trappeheis)
• Utgreiing og prosjektering av tilpassing
• Husstandar med langvarig og dårleg økonomisk situasjon kan få tilskot som eit supplement der startlån åleine ikkje er tilstrekkeleg

Informasjon om bustadtilskot på Husbanken sine sider.

Klage

Klagefristen er 3 veker. Klagen skal stilast til Hareid kommune og må innehalde grunngjeving for klage og ev. nye opplysningar.

Retningsliner

Retningsliner bustadtilskot (PDF, 142 kB)