Hareid Kommune har klare instruksar for graving og anna arbeid i kommunale vegar, grøntområde og liknande. Dette for å hindre at vass – og avløpsleidningar, vegar og andre kommunale areal vert skada. Det skal også vere trygt for dei som ferdast i arbeidsområdet.

Grave-og arbeidsinstruks for Hareid kommune finn du her:  Grave- og arbeidsinstruks for Hareid Kommune.pdf (PDF, 382 kB)

Krav til den som skal utføre arbeid i kommunale areal er godkjenning som entreprenør og kurs i arbeidsvarsling. Også dei du hyrer inn må vere kvalifiserte. Du har ansvar for oppfylling av vilkåra til jobben er ferdig. Ved brot på vilkåra kan du få bøter eller miste retten til å grave.

Det er søknadsplikt for graving i offentlege areal, dette i følgje paragraf 57 i veglova. For kommunale vegar skal søknaden sendast til Hareid Kommune. For riks - og fylkesvegar skal søknaden sendast til Statens vegvesen.  Det er ulovleg å starte opp arbeidet utan godkjenning.

Søknad skal leverast inn via Gemini Entreprenørportal

Søknaden skal innehalde:

• Kart som viser kvar du skal grave/arbeide
• Detaljar om arbeidet
• Skiltplan
• Risikoanalyse
• Arbeidsvarslingsplan (denne skal sendast inn på same skjema som tidlegare, men vi ønsker at det vert lagt ved ein pdf saman med gravesøknad i Entreprenørportalen)

Om du ikkje er registrert som brukar av Entreprenørportalen, kan du gjere det her

Når arbeidet er ferdig, må du levere ferdigmelding - også dette i Gemini Entreprenørportal. Kommunen kan foreta kontroll før ferdigmeldinga vert godkjent. 

Misbruk av opplysningar frå Entreprenørportalen vil medføre sanksjonar. 

Utdjupande informasjon om lover og reglar for graving og anna arbeid i Hareid Kommune sine areal finn du i dokumentet «Grave – og arbeidsinstruks for Hareid Kommune» ovanfor. 

Gebyrsatsar, frå og med 1/1-2026: 

Administrasjonsgebyr per graveløyve (gjeld kommunale areal): Kr.  1000,-

Administrasjonsgebyr per arbeidsvarlingsplan: Kr. 500,-

Jobben må elles planleggast i samarbeid med andre aktørar som har kablar eller rør i området. Ta kontakt med dei enkelte i god tid før graving. Nedanfor er det lista opp ein del aktørar som kan ha rør eller kablar i Hareid kommune. Lista er ikkje uttømmande, relevante aktørar kan endrast . 

Gravemelding til kommunen må sendast inn før gravearbeidet tek til. Eigar/tiltakshavar er ansvarleg for å gjere greie for kvar kablar, vass- og avløpsrøyr og liknande ligg. Eventuell påvising må utførast før gravinga tek til.  Merk at det også kan ligge kommunale røyr og kablar i privat grunn.  

Korleis sende inn gravemelding: Fyll ut digitalt søknadsskjema nedanfor. Det må også leggast ved illustrasjonskart over graveområdet. Illustrasjonskartet skal innehalde grunnkart, gnr/bnr, vegar og bygningar, samt ei påteikning som viser kvar graving skal skje. Dette kartet kan lagast på Sunnmørskart eller tilsvarande tenester. 

Lenke til søknadsskjema

Svar på søknad: Når du har sendt inn gravemelding, vil du i løpet av nokre dagar får tilsendt leidningskart over eigedomen din. Merk at dette berre viser kommunale, og til ei viss grad, private vass- og avløpsledningar. Merk også at svar på gravemeldinga berre er gitt som informasjon som skal nyttast til sjølve gravearbeidet. Det gir ikkje løyve til anna arbeid eller graving ut over eigedomsgrenser. 

Tiltak på privat grunn kan vere søknadspliktig etter plan og bygningsloven. Kva for tiltak som er søknadspliktig går fram av loven med forskrifter.  Dersom du er i tvil om tiltaket er søknadspliktig, kan du ta kontakt med kommunen si byggesaksavdeling. Tiltak på privat grunn som ikkje er søknadspliktig etter plan- og bygningslova, treng du ikkje løyve for.  

Informasjon frå andre aktørar som kan ha liggande røyr eller kablar i både privat og kommunal grunn, får du ved å kontakte desse direkte. Kontaktinfo til nokre av dei finn du nedanfor. Lista er ikkje uttømmande, då aktørar kan endrast. NB! Ta kontakt med aktuelle aktørar i god tid før graving.