Tidspunkt det er mogleg å reservere eit møte:
· Måndag klokka 10.00 -15.00
· Torsdag klokka 12.00 - 15.00
· Fredag klokka 09.00 - 12.00
Møtelengde er inntil 20 minutt.
Dersom du treng meir tid enn 20 minutt, eller har ei konkret byggesak du vil ha innspel på, må du be om ein førehandskonferanse.
Møtealternativ:
· 📞 Telefonmøte
· 💻 Digitalt møte (Teams-møte)
· 🏦 Fysisk møte på Hareid rådhus
Du vel møteform når du reserverer tid.
BOOK RETTLEIINGSMØTE MED SAKSHANDSAMAR
Viktig informasjon om rettleiingsmøta:
På møtet vurderer vi ikkje den konkrete byggesaka eller konkrete løysingar, men gir råd og rettleiing om korleis du skal gå fram for å søke, kva for nokre krav det er til dokumentasjon og korleis du kan få tak i naudsynt informasjon. Det vert ikkje skreve referat frå møtet.
Dersom sakshandsamar ser at reservert rettleiingsmøte vert meir omfattande enn ei rettleiing kan møtet bli omgjort til ein førehandskonferanse.
Innsyn i saker på min eigedom
Dersom du ønsker innsyn i kva kommunen har registrert i byggesaksarkivet på din eigedom, kan du bestille tilgang til dette via kommunen sitt e-Torg.
Sjå korleis her.
Viktig informasjon før du reserverar møte
Sjå om informasjonen du treng allereie ligg på vår heimesida (https://www.hareid.kommune.no/tenester/byggesak-eigedom-og-plan/byggesak/) og DIBK (https://www.dibk.no/).
Kva kan eg få hjelp til når eg reserverar eit møte?
Du kan få svar på spørsmål om til dømes søknadsreglane, og få hjelp til å finne fram til kva reglar som gjeld på staden der du skal bygge. Dette gjeld både lovbestemte reglar og reglar fastsette i reguleringsplan eller kommuneplan. Vi gjev og råd om prosess, ansvar og andre tema som må avklarast for å kome i gong.
Korleis avlyser eller flyttar eg ein avtale som er reservert?
Når du bookar eit møte får du ei stadfesting på epost - nederst i denne eposten finn du knappen “Flytt avtalen”.
Du vil vidare få opp alternativ om å enten flytte eller avlyse avtalen din.
Dersom du ikkje får til dette send epost til byggesak@hareid.kommune.no eller ring oss på 70 09 50 00.
Eg har spørsmål om pågåande sak - kva skal eg gjere?
Vi anbefala at du send førespurnaden til postmottaket: send e-post til byggesak@hareid.kommune.no eller ring oss på 70 09 50 00.
Oppgi saksnummer.
Byggesakseininga vil då svare ut førespurnaden din så fort som råd.