Omsorgsbustad skal bidra til at bebuaren kan vere mest mogleg sjølvstendig og trygg i eigen bustad. Offentleg teneste er lett tilgjengeleg. Tildeling skjer etter LEON-prinsippet. 

Kommunen har 30 omsorgsbustader.

Leigetakar får ikkje automatisk tildelt andre tenester og må søkje på lik linje med andre heimebuande. Tildeling av andre tenester vert gjort ut frå individuelle vurderingar.

Særskild for omsorgsbustader:

• Ved tildeling av omsorgsbustad vert det inngått husleigekontrakt med Hareid kommune, kommunal eigedom
• Leigeforholdet vert regulert av Husleigelova
• Husleigesats er per dags dato 34,5 prosent av bruttoinntekt eller maksimum 7.930 kroner og skal betalast innan den 20. kvar månad
• Leigetakar kan søkje bustønad hjå Husbanken. Søknad om stønad vert sendt saman med signert leigekontrakt til utleigeansvarleg, kommunal eigedom
• Søkar kan ikkje søke på ein bestemt bustad etter lokalisering. Kommunen tildeler den bustaden som er ledig og som stettar behova til søkar
• Takkar du ja til tildelt bustad må kontrakt signerast innan to veker.  
• Takkar du nei til tildelt bustad vert saka avslutta og du må søke på nytt.
• Tenestemottakar må sjølv møblere bustaden og ha eiga innbuforsikring
• Bebuar som ikkje greier å vaske opp for hand vert oppmoda om å skaffe oppvaskmaskin for benk  
• Tenestemottakar må sjølv melde flytting til folkeregisteret, posten med meir.

Særskild for tidsavgrensa opphald:

• Lengde på tidsavgrensa opphald vert regulert gjennom individuell vurdering og enkeltvedtak
• Opphaldet kan verte gitt som betalingsopphald eller avlastningsopphald ut frå kommunale individuelle vurderingar
• Opphald kan tildelast til heimebuande med kronisk eller akutt funksjonstap der det ikkje er behov for sjukeheim eller sjukehusopphald
• Kan tildelast til pasientar etter utskriving frå sjukeheim eller sjukehus før retur til heim 

Du

• opptrer respektfullt i møte med tilsette og medbebuarar  
• deltek i daglege gjeremål i den grad du klarar det
• søker om tenester i bustaden, som til dømes heimesjukepleie, matombering og praktisk bistand (heimehjelp)
• gjer deg kjend med vedtaket
• har gjort nødvendige utbetringar av eigen bustad før du søker omsorgsbustad
• har vurdert å kjøpe eller leige funksjonell bustad på den private marknaden, men at dette ikkje har ført fram
• gir beskjed til heimeteneste/ kommunal eigendom dersom du oppdagar manglar eller skade på husværet
• gir beskjed til heimetenestene dersom du reiser bort ein periode

Bebuar eller pårørande må skriftleg seie opp bustad ved opphøyr og må ta ansvar for nedvask ved utflytting. Oppseiing sendast til kommunal eigendom 

Helsetenestene kan vidareformidle meldingar om feil eller manglar ved bustaden til kommunal eigedom. 

Dagleg vedlikehald som reinhald, skifte lyspærer, opne tette slukar og liknande som er knytt til normal slitasje/forbruk er eit privat ansvar for omsorgsbustader med langtidsleige. 

Søkar treng særskild tilrettelagd bustad og er ikkje i stand til å skaffe dette sjølv eller få hjelp til dette med andre.

Helsemessige, økonomiske, psykiske eller sosiale forhold må ligge til grunn for tilbod om omsorgsbustad gjennom kommunen.

Andre tiltak i søkjar sin heim har vore utprøvd 

Bebuar som er tildelt tenesta inngår husleigekontrakt med sektor for kommunale bygg og betaler husleige og straum. 

Husleigesats er per dags dato 7500 kroner pluss straum og skal betalast innan den 20. kvar månad 

Kostnadar for andre tenester som praktisk bistand, tryggleiksalarm og fullkost kjem i tillegg. 

Søknad om helse- og omsorgsteneste.

Er du usamd i vedtaket, kan du klage. Klagefristen er fire veker frå du mottok vedtaket. 

Ein klage må vere skriftleg og signert av deg, eller den som har fullmakt til å gjere det for deg 

Klagen kan sendast via denne portalen Svar sikkert med eDialog - Hareid kommune 

Heimel: Lov om pasient- og brukerrettigheter paragraf 7-2 

Du kan sende e-post til sektoren. Hugs at du ikkje må dele sensitive personopplysningar i e-post. Skriv namn, kva teneste du har spørsmål om og kontaktinformasjon, så kontaktar rette vedkomande deg.

Treng du å dele sensitiv informasjon, til dømes helseopplysningar, kan du gjere det via denne portalen.  

Her kan du sende e-post.