Brukarar som har langtidsopphald på institusjon betalar ein del av inntektene sine i eigenandel. Denne betalinga er regulert i forskrift om eigenandel for kommunale helse- og omsorgstenester.

Utrekninga av eigenandelen er svært individuell og baserer seg på inntekter, gjeldsutgifter, type pensjon og om vedkomande har forsørgeransvar og andre forhold. Brukar, og eventuelt pårørande, skal få god informasjon om kva som ligg til grunn for berekninga av eigenandelen ved starten av opphaldet.

Svært enkelt forklart betalar brukaren 75 prosent av inntekta inntil 1 G (130 160  kroner per 1. januar 2026) og 85 prosent av inntekta over 1 G. Betalinga skal likevel avgrensast slik at alle skal ha minst 25 prosent av 1 G og eit fribeløp som for 2026 er på 10950 kroner.

Kurdøgnprisen, som avgjer maksimal eigenandel vert for 2026 til 3000 kroner jamfør sentral forskrift (93000 per månad).

Langtidsbebuarar på sjukeheim som oppheld seg ufrivilleg i dobbeltrom får redusert eigenandel til 52 950.