SkulemiljøAlle elevar i grunnskulen har rett til eit godt fysisk og psykososialt miljø som fremjar helse, trivsel og læring. Kapittel 9a i Opplæringslova vert ofte kalla elevane si arbeidsmiljølov. Fysisk miljø Skulebygga skal tilretteleggast og drivast slik at det vert teke omsyn til tryggleiken, helsa, trivselen og læringa til elevane. Alle elevane har rett til ein arbeidsplass som er tilpassa deira behov. Skulebygga skal ha universell utforming. Det skal takast omsyn til einskilde elevar ved skulen som har funksjonshemming. Psykososialt miljø Skulane skal aktivt og systematisk arbeide for å fremje eit godt psykososialt miljø, slik at den einskilde elev kan oppleve tryggleik og sosialt fellesskap. Elevmedverknad Elevane skal engasjerast i planlegginga og gjennomføringa av arbeidet som fremjar helse, trivsel og tryggleik. Skulane skal legge til rette oppgåver for elevmedverknad tilpassa dei ulike aldersgruppene. Skulemiljøutval I følge Opplæringslova § 11-1a skal det opprettast skulemiljøutval ved alle grunnskular. Skulemiljøutvalet skal ha eit særleg ansvar for å halde seg orientert om og uttale seg om skulemiljøet jfr. §9a. Utvalet skal vera eit rådgjevande organ for skulen i arbeidet med skulemiljøet. Foreldra og elevane skal ha fleirtal i utvalet. Publisert 22.10.2018 14:54 Sist endra 18.07.2023 04:42