Det er to ordningar:
- SFO-rabatt på grunn av låg inntekt
- Gratis SFO for barn med særskilte behov (les meir lenger nede)
- 12 timar gratis SFO for elevar på 1. og 2. trinn
Rabatt på grunn av låg inntekt - utvida ordning
Denne ordninga gjeld barn på 1. til og med 4. årstrinn og er retta mot familiar med låg inntekt. Ingen hushald skal betale meir enn 6 prosent av brutto årsinntekt for ein plass i barnehage eller SFO.
For skuleåret 2023/24 betyr det at viss den samla inntekta til hushaldet er mindre enn 543 333 siste år (skattemeldinga 2022), har de krav på å få rabatt om barnet har full plass (24 timar i veka).
Viss barnet har redusert plass (12 timar per veke) er inntektsgrensa 40 000 kroner.
I Hareid kommune kostar ein heil plass 32 600 kroner per år. Ein delt plass (12 timar per veke) kostar 24 000 kroner per år. Betaling for plassen er fordelt over 10 månadar og er fordelt over månadane september til og med juni året etter.
For søknadar som kjem inn før 1. august vert det gitt nedsett betaling frå september.
Her er eit døme på korleis rabatten blir rekna ut for heil plass for eit barn i 3. eller 4. klasse:
- hushaldet tener samla 380 000 kroner
- 6 prosent av 380.000 kroner er 22 800 kroner
- de betaler SFO ti månader i året
- det gir månadspris på 2 280 kroner mot normalt 3 260 kroner – ein reduksjon på 980 kroner
Det vert ingen nedsett foreldrebetaling for matpengar.
Sidan 6 prosent-grensa gjeld per plass, skal det mykje til for at ein får rabatt på barn to og tre – sidan det allereie blir gitt søskenmoderasjon (30 og 50 prosent). Sjå her for fullstendig prisliste og søskenmoderasjon.
Det er hushaldet si samla inntekt som er avgjerande. Medrekna i hushaldet er ektefeller, registrerte partnarar og sambuarar. Med sambuar er det meint to ugifte personar over 18 år som bur saman, og som har budd saman i eit ekteskapeleg forhold i minst 12 av dei siste 18 månadane – eller har felles barn. Desse vilkåra gjeld sjølv om den eine vaksne ikkje er foreldre til barna det blir søkt for.
Dokumentasjon
Legg ved sjølvmelding. Dersom det har skjedd endringar (til dømes tapt arbeidsinntekt) etter siste sjølvmelding må du opplyse om dette og dokumentere endringa.
Eit inntektstapet må vere rekna som varig. Kommunen vil foreta ein konkret vurdering i kvart tilfelle.
Søknadsfristar
Søknadsfristen er 30. juni kvart år om ein vil ha søknaden handsama før skuleåret startar. Etter dette vil søknadar bli handsama fortløpande. Eit vedtak om rabatt vil då gjelde frå fyrste heile månad og ut skuleåret
For skuleåret 2023/2024 vil alle søknadar som blir innvilga gjelde frå august (kjem med på faktura for september).
Søker de når barnet går i 1. klasse, vil søknaden også gjelde for 2. klasse. Kommunen hentar då sjølv inn naudsynt dokumentasjon
Slik søker du
Det er kommunen der barnet er folkeregistrert som handsamar søknad om redusert foreldrebetaling.
Du søker gjennom Vigilo.
Gratis SFO for barn med særskilte behov
Gratis SFO for barn med særskilte behov på 5.-7. årstrinn er eit ledd i arbeidet med å sikre at funksjonshemma barn skal givast gode utviklingsvilkår.
Ta kontakt med Mariann Båtnes for meir informasjon om ordninga og korleis du søker.
Klager
Du har rett til å klage. Ei eventuell klage må vere skriftleg og sendast til Hareid kommune, Rådhusplassen 5, 6060 Hareid, eller de kan fylle ut dette klageskjemaet.
Klagefristen er 3 veker etter at vedtak er motteke.