Det er viktig med tidleg involvering og det å legge ut planprogrammet på offentleg høyring er ein god måte å få dette til på. Allereie no kan du som politikar, brukar, pårørande og innbyggjar seie noko om kva de tenkjer er viktig for framtida og kva vi bør leggje vekt på i arbeidet med sjølve planen.
Det er lagt opp til å følgje prosessen i plan- og bygningslova i størst mogleg grad.
Planprogrammet vert lagt ut til offentleg høyring i 4 veker, frist for tilbakemelding 18.05.21.
Her kan du lese heile forslaget til planprogram – lenke (PDF, 869 kB)
Planen vi har er frå 2011 og utviklinga har vore stor sidan den gang. Samhandlingsreforma vart sett i verk 01.01.12. Sentral reform som Leve heile livet kom i 2019, og lokalt har velferdsteknologien etter kvart fått plass.
Målet må vere at planen vert eit styringsverktøy som både folkevalde og administrasjonen får eigarskap til; ein plan som alle ynskjer å stille seg bak å følgje opp samla.
Helse- og omsorgssektoren i kommunen står framfor store utfordringar. Folketalsframskrivinga viser at det vert stadig fleire eldre i kommunen i åra som kjem. Samstundes kjem yngre aldersgrupper inn med ein stadig større del av brukarandelen.
Områder vi vil fokusere på
I planarbeidet skal mellom anna følgjande leggast til grunn/takast omsyn til:
- folketalsutvikling og alderssamansetnad
- utviklingstrekk for helsetilstanden i befolkninga
- FNs berekraftsmål som er verda sin felles arbeidsplan for å kjempe mot ulikskap, utrydde fattigdom og stoppe klimaendringane
- Leve heile livet
Nasjonale, regionale og lokale føringar gjer at vi vil fokusere på følgande område:
- Ansvar for eige liv
- Samarbeid/samhandling
- Berekraftig utvikling og innovasjon
- Framtidsretta organisering og dimensjonering av tenestene
Ansvar for eige liv
Nøkkelord:
- fokus på førebyggande og helsefremjande arbeid
- påverke eigen kvardag
Samarbeid - samhandling
Nøkkelord:
- aktiv brukar- og pårørandeinvolvering (brukarmedverknad)
- tverrfagleg samarbeid og koordinerte tenester
Berekraft, utvikling og innovasjon
Nøkkelord:
- digitalisering og velferdsteknologi
Framtidsretta organisering og dimensjonering av tenestene
Nøkkelord:
- god kompetanse og kvalitet
- fokus på teneste til særleg sårbare grupper
Frist for uttale er sett til fire veker frå kunngjering - det vil seie 18. mai.
Alle merknadar må vere skriftlege og sendast til kommunen innan 18. mai 2021. Merknadar kan sendast til postmottak@hareid.kommune.no eller til Rådhusplassen 5, 6060 Hareid.