Erlend Friestad

Prosjektgruppa erfarer at om lag halvparten av 80-åringane valdte å takke nei til 80-årsbesøk. Vidare vurderer vi at ved 80-års-alder kjem vi for seint inn med informasjon og anbefalingar til innbyggarane.

Vi jobbar derfor no med tiltak som skal femne om fleire eldre, tidlegare i livsløpet, slik at vi kan bidra til økt meistring i eige liv og redusere framtidige behov for helse- og omsorgstenester gjennom å førebygge sjukdom og einsemd, samt fremje helse, funksjonsevne og deltaking.

Erfaring nasjonalt viser at dersom vi kan nå seniorane tidlegare vert det lettare for dei å ta tak i eige liv, bustad og gjere endringar som er nødvendige for å kunne bu trygt heime.