Det er KS som har etablert strategisk råd for innovasjon og forsking. Rådet skal støtte administrerande direktør i KS, Lasse Hansen.

- Samansette problem lar seg ikkje løyse på tradisjonelt vis, men krev samhandling på tvers av sektorer, profesjonar og forvaltningsnivå, seier KS-direktør, Lasse Hansen til KS sin nettside.

Han håpar at det å jobbe i partnarskap med medlemmar og andre samfunnsaktørar skal gjere at ein greier å utvikle ein berekraftig offentleg sektor for framtida.

Vil du ha nyheiter frå Hareid kommune rett i innboksen? Meld deg på nyheitsbrev her.

I det nyetablerte programmet Partnerskap for radikal innovasjon skal ti toppleiarar frå utvalde kommunar og fylkeskommunar gi råd til KS i arbeidet med å utvikle heilt nye løysingar for eit berekraftig samfunn. Rådmann i Hareid, Ragnhild Velsvik Berge, er ein av desse leiarane.

- Det er ei glede og ære å få vere med, og det har stor nytteverdi i mi rolle som rådmann for Hareid. Eg får god innsikt i kva som vil vere kloke val for ei god samfunnsutvikling for kommunen vår, seier ho.

Partnerskap for radikal innovasjon er i fyrste omgang ein treårig satsing og det er ingen eigenandel for kommunen. Programmet skal arbeide med samfunnsutfordringane som er for store til at enkeltkommunar å løyse åleine og for komplekse til at dei berre kan bli forstått frå ein enkelt ståstad.

Medlemmar i rådet er:

• Tine Sundtoft, fylkesrådmann i Agder fylkeskommune, leiar av rådet
• Ragnhild Berge, Hareid kommune
• Lars Bjerke, Asker kommune
• Jan Arvid Kristengård, Larvik kommune
• Anne Skau, Viken fylkeskommune
• Arne Skogsbakken, Søndre Land kommune
• Britt Elin Steinveg, Tromsø kommune
• Trude Andresen, Øvre Eiker kommune
• Per Kristian Vareide, Stavanger kommune
• Morten Wolden, Trondheim kommune