Erlend Friestad
Næring- og miljøutvalet vedtok i skrifteleg hastefjernmøte den 10.07 eit framlegg til lokal forskrift om å opne for bruk av restlysforsterkande og termiske siktemiddel ved jakt på hjort i Hareid kommune
No er framlegget på høyring, slik at alle kan uttale seg om det. Fristen for å sende høyringsinnspel er 21.08.2026
Aktuelle lag og organisasjonar får framlegget tilsendt.
Send inn svar.
Merk:
- I feltet årstal skriv du 2026.
- I feltet mappenummer skriv du 1034
Framlegget og saksdokumenta
Nedanfor står framlegget til forskrift.
Lenkje til saksdokument
Forskrift om opning for bruk av restlysforsterkande og termiske siktemiddel ved jakt på hjort i Hareid kommune, Møre og Romsdal
§ 1 Opning for bruk av restlysforsterkande og termiske siktemiddel til hjortejakt i Hareid kommune
Det er opna for bruk av restlysforsterkande og termiske siktemiddel ved ordinær jakt etter hjort i ope terreng, i Hareid kommune. Ved ettersøk av påskoten hjort kan restlysforsterkande og termiske siktemiddel også nyttast utanfor ope terreng.
§ 2 Rapporteringsplikt for bruk av restlysforsterkande og termiske siktemiddel
Jegerar skal rapportere bruken av restlysforsterkande og termiske siktemiddel i Hjorteviltregisteret.
§ 3 Verknadsdato
Forskrifta vert sett i kraft med det same.