Erlend Friestad

Det skal opp julelys i alle krinsane, mellom anna i Kjøpmannsgata og ved helsehuset, på Bigset skule, i Brandal sentrum og på Leira i Hjørungavåg. Også fleire tre og møteplassar i Hareid sentrum får julelys.

Uteseksjonen har starta å henge opp lys allereie no for å utnytte ledig kapasitet og periodar med tenleg ver.

Under arbeidet i Kjøpmannsgata brukte uteseksjonen lift, og gata var stengd medan opphenginga gjekk føre seg. Ho er no open att.

Den 27. november klokka 18 blir julelysa tende i Hareid sentrum, og det blir ei koseleg samling i parken i Åsendalen.

Følg med på opplevhareid.no og nettsida til Hareid kommune for meir informasjon om programmet.