På Tusenårskaia kan du leggje ned blomster og tenne lys for å minnast kong Harald. Erlend Friestad

Kl. 13.00 blir Kong Harald V bisett i Oslo domkyrkje. Seremonien blir leia av preses Olav Fykse Tveit og følgjer Den norske kyrkja si gravferdsordning. Ved starten av seremonien blir det eitt minutts stille over heile landet.

I tillegg til kongefamilien deltek representantar for det offisielle Noreg, utanlandske kongelege gjester, statsoverhovud og statsministrar. Stortingspresidenten og statsministeren held minnetalar, og musikken får ei sentral rolle i seremonien.

Etter gravferda blir kista ført i prosesjon til Akershus slottskyrkje, der det blir ei privat avslutning for familien og inviterte gjester. Dagen blir markert med dobbel kongesalutt, og kyrkjeklokker over heile landet vil ringje i ein time.

Du finn meir informasjon om gravferda på Kongehuset si nettside.

På biblioteket kan du også signere kondolanseprotokoll eller skriv ei siste helsing. Protokollen blir liggande tilgjengeleg ut onsdag. Les meir her.