Pexels.com

Her er nokre døme på ting de kan hjelpe kvarandre med:

• førstehjelp ved skadar.   
• omsorg og støtte.   
• opphald og overnatting ved evakuering frå eigen bustad.   
• omsetjing og forklaring av informasjon frå styresmaktene.   
• praktisk hjelp til bruk av utstyr og verktøy.   
• innkjøp, bering og transport.   
• byte eller bytelån av utstyr og varer.    
• lån av mobiltelefon som er kopla til eit anna nett enn din.   
• felles matlaging.  

Dette er lurt å planlegge før du står der under krisa, og kanskje ikkje har mobilnett slik at du kan kontakte familie eller vener.

 Les meir om felles eigenberedskap på sikkerhverdag.no.

Kvifor eigenberedskap i Hareid kommune?

Hareid kommune held på med ein heilskapleg risiko- og sårbarheitsanalyse. Her har vi sett på ei rekke med ulike alvorlege hendingar og korleis dei vil påverke oss.

I eit fleirtal av scenarioa vi har analysert, ser vi at god eigenberedskap er med på å redusere konsekvensane av hendinga. Til dømes vil vi delar av kommunen kunne bli isolert, vi kan miste straumen og heilt eller delvis moglegheita til å kommunisere med kvarandre. I andre situasjonar må vi halde oss inne, som under eit atomutslepp eller ny pandemi.

Har du då nok mat, reint drikkevatn, alternativ oppvarming med meir, vil desse situasjonane vere lettare å takle.

 Les meir om råda for eigenberedskap her.