Erlend Friestad

For å sikre ein god prosess og eit best mogleg resultat av omstillinga skal vi gjennomføre ei grundig kartlegging av oppgåver, ansvar og ressursbruk i einingane. I fyrste omgang er det sektor for stab og samfunn som skal gjennom kartlegginga.

Føremålet med dette arbeidet er:

• å få ei god oversikt over kva oppgåver som blir utført
• å vurdere kva som er lovpålagt, kritisk og nødvendig
• å identifisere oppgåver som kan endrast, effektiviserast eller eventuelt takast bort
• å sikre at vi har rett kompetanse på rett plass
• å legge grunnlaget for eventuelle endringar i bemanninga

Målet er å gjennomføre prosessen på ein open, ryddig og respektfull måte. Kartlegginga er ikkje ei vurdering av den enkelte sin innsats eller verdi, men eit naudsynt grunnlag for å ta gode og forsvarlege avgjerder.

Vi forstår at dette kan skape uro også blant innbyggarar og tenestemottakarar. Vi vil halde dykk godt orientert, og vi vil sikre at prosessen skjer i tråd med lov- og avtaleverk, med god dialog med og respekt for alle involverte.