Ved kryss og andre stader der sikt er viktig, skal hekk og buskar ikkje vere høgare enn ein halv meter, også ved snøfall. Små barn rundt hjørnet må vere synlege for bilistar og syklistar.

Fotgjengarar, rullestolbrukarar, syklistar og andre må ikkje verte tvinga ut i vegbana på grunn av vegetasjon. Hekk, buskar og tre skal heller ikkje skjule trafikkskilt, vegnamnskilt, signalanlegg eller gatelys.

Greiner frå tre over fortau og sykkelfelt må henge minst 4 meter over bakken. Fri høgde over sjølve vegbana skal vere minst 4,7 meter.

Viss du har tre ut mot veg, fortau eller gang- og sykkelveg må ikkje greinene henge lågare enn 4,7 meter over vegbana. Over fortau og gang- og sykkelveg må ikkje greiner henge lågare enn fire meter. Statens vegvesen

Ein god huskeregel kan vere å ta ein ekstra sjekk på at alt er i orden til skulestart. Oppmodinga gjeld også før snøen kjem og brøytebilane skal ut på vegane.

Tre/hekk langs køyreveg må klippast godt utom asfaltkant, for speglar på lastebilar stikk gjerne 30-40 cm ut frå bilsida.

Dersom det ikkje er klipt godt nok, kan kommunen pålegge grunneigarar å klippe. Det vil då verte sendt ut eit varsel om pålegg. Dersom husiegar ikkje følgjer opp varsla, kan det ende med at kommunen utfører arbeidet på huseigar si rekning.

Lenke til regelverk.

Viss avkøyrsla di munnar ut i vegen må høgde på hekk og gjerde ikkje overstige 0,5 meter over gateplan. Fartsgrense på vegen avgjer kor langt inn i oppkøyrsla du må ha fri sikt. Statens vegvesen

Om det er naboen sin hekk som er problemet, ta praten over hekken. Naboar som minner kvarandre vennleg om å klippe trafikkfarleg vegetasjon, er gode naboar. 

Om du ikkje klarer å klippe vegetasjonen sjølv, ta kontakt med ein entreprenør som kan gjere jobben for deg.

Hageavfall kan du levere gratis hos SSR.

Kommunal grunn

Sjølv om kommunen gjer sitt beste for å feie for eiga dør, eller klippe eigen hekk - skjer det at også kommunen treng ei påminning.

Ser du busker, hekkar eller tre på kommunal eigedom som treng ny sveis, send ein e-post til postmottak@hareid.kommune.no.