Å gå tur er noko av det beste vi kan gjere for helsa vår. Det styrkjer hjartet, lettar på skuldrene og gir hovudet ein pause. Og det treng ikkje vere verken langt eller vanskeleg. Stikk UT er bygd på ein enkel idé: berre stikk ut. Ein liten tur tel like mykje som ein stor.
Hareid har turmål for absolutt alle – frå rolege, rullestolvenlege stiar langs sjøen til toppar der du får skikkeleg sprut i beina og utsyn som minner deg på kvifor det er godt å bu her.
Slik kjem du i gang
Last ned den gratis appen Stikk UT, opprett profil og finn fram skorne. Alle turmåla ligg i appen med kart og turskildring. Du kan også planlegge turen på kart.stikkut.no.
Registrering og deltaking er gratis for privatpersonar. Les meir om Stikk UT på stikkut.no.
Ta med nokon
Turar er endå betre i lag. Ta med naboen, kollegaen, besteforeldra eller ungane – Stikk UT passar for alle aldrar og nivå. I appen kan du følgje di eiga utvikling og samanlikne deg med andre brukarar om du har lyst på litt ekstra motivasjon.
For dei eventyrlystne
Når du først har smakt på turane i Hareid, er det berre å halde fram. I Møre og Romsdal er det over 1 000 turmål registrert i Stikk UT – og tek du turen til andre fylke, finn du endå fleire. Appen følgjer deg uansett kor beina tek deg.
Verksemder kan konkurrere internt
Bedrifter og organisasjonar kan registrere seg som Stikk UT Bedrift og legge opp til intern konkurranse blant dei tilsette. Ein fin måte å fremje rørsle, samhald og folkehelse på arbeidsplassen. Sjå meir på stikkut.no.
Turmåla i Hareid 2026
Fem av turmåla er nye denne sesongen – merka med * nedanfor.
Spørsmål?
Ta kontakt med folkehelsekoordinator Silje Kiperberg Aksnes: E-post: silje.kiperberg.aksnes@hareid.kommune.no