UKM står for ung kultur møtast, og er for ungdom mellom 10 og 20 år. Innanfor UKM kan ungdomane gjere det aller meste som har med kultur å gjere. Målet er at dei skal få utfalde seg og uttrykke seg gjennom kunst og kultur. Her kan dei få vere med å arrangere, danse, synge organisere, fotografere, male, filme eller kva som helst.

Gjennom året har vi arrangert ulike UKM-workshops der ungdomane kan få lære nye ting, eller utvikle interessene sine. Vi har hatt workshop i til dømes redesign, snikring, cupcakes, teikneserie og sminke.

No er det UKM-festival som står for tur, og det blir både kunstutstilling og sceneshow.

Kunstutstillinga blir på Ungdomsklubben og det er mange flotte kunstverk som blir vist fram.

Sceneshowet blir på utescena i festivalområdet ved Rådhuset og det blir både song, akrobatikk og band med meir.

Mange flinke ungdomar er engasjert i dette denne dagen, og det er vel verdt å ta seg ein tur. Gratis inngang.

13.00 Festivalområdet og matvognene opnar
14.00-16.00 Kunstutstilling på Ungdomsklubben
18.00-20.00 Show frå utescena i festivalområdet
20.00-22.00 Afterparty med «Olander og blindpassasjerane» på utescena.

Det blir matvogner og Tussateltet er ope med kiosksalg

Sjekk gjerne Facebook-sida til Ungdom i Hareid for meir informasjon, eller programmet for Seinsommarfest.