Oddbjørn Nybø fortel om plan- og byggesaksavdelinga sitt arbeid til ungdomsskuleelevane. Christine Erdal

Besøket er ein del av Hareid kommune sitt arbeid med å styrke samarbeidet mellom skule og arbeidsliv, og å gi ungdom eit breiare perspektiv på moglegheiter i eigen kommune. 

Både 80 9.-klassingar og 65 10.-klassingar har vore på besøk hos Hareid kommune, der dei fekk sjå korleis kommunen jobbar – og kva moglegheiter som finst for framtidig arbeid.

På rådhuset vart elevane delt inn i grupper og sendt rundt på seks ulike postar. Her fekk dei ei innføring i veg, vatn og avlaup, plan- og byggesak, kultur, ungdomsarbeid, bibliotek, næring og beredskap. Tilbakemeldingane frå både elevar og tilsette har vore svært positive.

I tillegg fekk elevane besøke sektor for velferd, der dei fekk lære meir om dei ulike arbeidsoppgåvene innan helse og omsorg, og sjå korleis kommunen jobbar for å ta vare på innbyggarane sine. Besøket vart avslutta med ein quiz, der elevane fekk teste kunnskapane sine om sektoren.

Sjå fleire bilete frå samlinga:

Kulturleiar Melinda Skeide i gamingroomet med ungdomsskuleelevane. Christine Erdal

Kommunalsjef for velferd Ottar Røyset fortalte ungdommane om korleis tenestene i sektoren fungerer. Hareid kommune

Beredskapskoordinator Erlend Friestad fortalde ei historie om straumstans for å vise fram korleis ein straumstans kan ramme og kva kommunen gjer for å motverke konsekvensane av straumutfallet. Christine Erdal

Hos kommunalteknikk fekk ungdomsskuleelevane sjå korleis urensa og rensa vatn såg ut. Dei fekk også ph-testa både dette vatnet og energidrikk. Christine Erdal

Bibliotekssjef Anne Vasstrand fortalte om arbeidet til biblioteket. Christine Erdal