Det er venta store mengder med nedbør i onsdag og torsdag. Så mykje at uveret har fått eit namn: Gyda. Kommunane i fylket har i dag vore i møte med statsforvaltaren. Her blei vi orientert om kva som ventar oss: Ekstremt mykje nedbør som saman med snøsmelting gir ekstremfare for flom og ras. I tillegg vil det bli sterk vind – opptil storm i høgda.

• Les meir om ekstremvarsla på yr.no.

Det er ikkje meldt styrtregn, men jamt mykje nedbør over lang tid. Konsekvensane av ekstremnedbøren vil derfor ikkje kome før utpå torsdagen. Kanskje er det dei siste 10-20 prosentane av regnet som utløyser raset eller får bekken til å finne ein ny veg.

Hareid og kysten vil ikkje få dei største nedbørsmengdene. Medan vi kanskje kan vente 60-80 millimeter med nedbør, ligg det an til at det blir dobbelt og tredobbelt i indre fjordstrøk. Her har dei i tillegg meir snø som kan rase og smelte.

• Er du pårørande til personar som får heimehjelp? Les denne.

At vi ikkje blir like hardt råka som dei inne i fjorden er ikkje ei unnskyldning for å ta lett på varselet. Vi  bør også bu oss på at det blir vått.

Dei tilsette har derfor vore ute store delar av dagen for å reinse rister, sluker og stikkrenner. Målet er å vassvegane våre skal klare å ta unna det vatnet som kjem og føre det trygt ut i fjorden.

Vi oppmodar alle innbyggarar om å gjere det same.

Vi vil også at du varslar oss om du ser at vatnet er i ferd med å finne nye vegar, at det er tette (kommunale) sluk/ristar og om det går ras eller du ser utglidingar frå elvar/bekkar eller utvaska veg.

I tillegg bør du halde deg borte frå bratte skråningar, elvekantar

Vakttelefonen for veg, vatn og avlaup er døgnbemanna: 970 62 360

Kommunen har dessverre ikkje moglegheit til å bistå på private eigedomar. Kontakt forsikringsselskap - eventuelt naudetatar om det er akutt.