Du kan søkje dersom du:

• er over 18 år
• har langvarige problem med å finansiere bustad
• ha beteningsevne

Som hovudregel må du ha budd i Hareid kommune i minst eitt år. Kommunen kan gjere unntak etter ei individuell vurdering.

Nei. Du får ikkje startlån dersom du kan få eit tilstrekkeleg bustadlån i ein vanleg bank. Med enkelte unntak får du heller ikkje startlån dersom du har høve til å spare opp den eigenkapitalen du treng for å få lån i bank.

Før du søkjer, kan du prøve Husbanken sin låneveljar for startlån. Låneveljaren kan gi deg ein peikepinn om du bør søkje, og kva lånetype som kan vere aktuell for deg. Resultatet er berre rettleiande. 

Du kan få lån til ein nøktern og eigna bustad i Hareid kommune. Kommunen vurderer mellom anna prisen, storleiken og standarden på bustaden. 

Du søkjer elektronisk via Husbanken. Du må logge inn med elektronisk ID. 

Kva dokumentasjon du må legge ved, kjem an på situasjonen din. Søknadskjemaet viser kva du skal laste opp. Du må som hovudregel legge ved:

• løns- eller trygdeslippar for dei siste tre månadene
• stadfesting på eigenkapital
• rapport frå Gjeldsregisteret
• dokumentasjon på gjeld
• avslag på bustadlån frå vanleg bank

Bankavslaget bør vise kven som har søkt, lånebeløpet, eigenkapitalen som er lagd til grunn, og kva løpetid og renteform banken har vurdert. Dersom banken har grunngitt avslaget eller kan tilby ei alternativ finansiering, bør dette òg gå fram.

I enkelte saker kan du òg måtte legge ved:

• legeattest eller ergoterapirapport dersom bustaden må tilpassast
• kjøpekontrakt, salsoppgåve eller festekontrakt dersom du har funne ein konkret bustad
• dokumentasjon på arbeidskostnader dersom du søkjer om lån til utbetring

Kommunen behandlar søknaden så raskt som mogleg. Dersom du får eit finansieringsbevis, kan du legge inn bod på ein eigna bustad som kommunen har godkjent. Når du har kjøpt bustad, må du sende inn signert kjøpekontrakt og informasjon om bustadforsikring før lånet kan betalast ut. 

Du finn reglane i Husbanklova, forskrifta om lån frå Husbanken og Hareid kommune sine retningslinjer for startlån og bustadtilskot. Desse bør liggje som lenkjer nedst i FAQ-en. 

Ja. Klagefristen er tre veker frå du tek imot svaret på søknaden. Klagen skal sendast til Hareid kommune. Bruk skjemaet du finn på denne sida om klagerett.

Intrum administrerer lånet for Hareid kommune. På “mine lån” finn du mellom anna saldo, betalingsplan og registrerte innbetalingar. Du kan òg sende melding til Intrum der. 

Terminbeløpet består av avdrag, renter og termingebyr. Nedbetalingsplanen viser kor mykje du skal betale.

Rente er det du betaler for å låne pengar. Flytande rente kan gå opp og ned. Fast rente gir meir føreseielege betalingar i den avtalte perioden, men mindre fleksibilitet. Dersom du endrar eller bryt ein fastrenteavtale, kan du måtte betale overkurs eller få underkurs.

Kontakt Intrum før du betaler ekstra, innfrir lånet eller ynskjer andre endringar. Har du fast rente, kan endringar utløyse overkurs eller underkurs. Bruk “mine lån” for å kontakte dei.

Ta kontakt så tidleg som mogleg. Intrum kan hjelpe deg med oversikt og formidle saka vidare dersom ho må vurderast av kommunen. Kommunen kan i enkelte tilfelle vurdere endringar i betalingsvilkåra. 

Manglande betaling kan føre til purring, gebyr, forseinkingsrenter og inkasso. Ved alvorleg og langvarig mishald kan bustaden i siste instans bli seld. Du har framleis ansvar for eventuell restgjeld etter salet. 

Har du fleire gjeldsproblem eller treng hjelp med heile økonomien, kan du kontakte den interkommunale gjeldsrådgjevinga.