Du ønskjer å dele frå ein del av eigedomen slik at det vert ein ny eigedom med eige gards- og bruksnummer.

Døme:

• Ny bustadtomt
• Ny fritidstomt
• Ny næringstomt
• Deling av gardstun frå landbrukseigedom

Søknadspliktig? Ja. Oppretting av ny eigedom er søknadspliktig, jf. plan- og bygningslova §§ 20-1 første ledd bokstav m og 20-2. Der det vert gjeve løyve (etter pbl.) sendast saka over til oppmåling etter matrikkellova. 

Du ønskjer å flytte eigedomsgrensa mellom to naboeigedomar.

Døme:

• Du sel ein liten del av hagen til naboen.
• Du ønskjer å rette opp ei uhensiktsmessig eigedomsgrense.
• Innkøyrsel eller mur ligg over nabogrensa.

Grensejustering kan berre nyttast når endringa er avgrensa. Dersom arealet er for stort, må saka behandlast som arealoverføring.

Søknadspliktig? Normalt ikkje søknadspliktig etter pbl, men søkandspliktig etter Matrikkellova §16 og Matrikkelforskrifta §34. 

Dersom tiltaket er større enn det regelverket tillet for grensejustering, må det handsamast som arealoverføring eller frådeling og vert då søknadspliktig etter pbl. 

Du ønskjer å flytte eit større areal frå ein eigedom til ein annan utan å opprette ny tomt.

Døme:

• Overføring av eit større hageareal.
• Overføring av jordbruksareal.
• Samanslåing av areal mellom eigedomar.

Søknadspliktig? Ja, er søknadspliktig, jf. plan- og bygningslova §§ 20-1 første ledd bokstav m og 20-2. Der det vert gjeve løyve (etter pbl.) sendast saka over til oppmåling etter matrikkellova. 

Dersom søknaden avviker frå reguleringsplanen, må du først søke om og få godkjend ei reguleringsendring alternativt ein dispensasjon. Avklar dette spørsmålet med kommunen. 

Som hovudregel er det heimelshavar, det vil sei den som står som eigar i grunnboka hos Kartverket v/ tinglysinga, som søkjer. 

Fleire heimelshavarar? 
Alle må signere på søknaden (evt. ved fullmakt)

Dødsbo?
Heimelen må overførast før det kan søkjast om frådeling. 

Alle søknadar sendast til postmottak@hareid.kommune.no eller 
post til Rådhusplassen 5, 6060 Hareid 

Trinn 1: 

Vel enten 
kommunen sitt eige skjema for deling eller endring av matrikkeleining
eller 
DiBK blankett 5153

(denne søknaden vert nytta i handsaming etter plan- og bygningslova). 

NB! Dersom frådelinga ikkje er i tråd med plan må det søkast om planendring eller dispensasjon.

Vidare må du legge ved 

• Situasjonskart, målsett aktuelt areal på kartet så nøyaktig som råd. 
  • tilkomst, og vatn- og avløpsleidningar må teiknast inn.
• Nabovarsel -  blankett 5154 
• Opplysningar gjeve i nabovarsel - blankett 5155
• Eventuell dispensasjonssøknad
• Eventuelle private erklæringar for vatn/avløp
• Eventuelle private vegrettserklæringar
• Eventuelle løyve frå kommunalteknikk (kommunal veg) 

På kommunen sitt e-torg kan du få bestilt kart og naboliste med meir. 
Det er også moglegheit via e-torg å sende nabovarsling digitalt. 

Trinn 2: 
rekvisisasjon av oppmålingsforretning 

NB! du må fylle ut eit skjema for kvar ny eigedom
 Rekvisisasjon av oppmålingsforretning må leveres seinest når du ynskjer å rekverere oppmålingsforretning (normalt 16 vekers sakshandsamingstid) 
Dei fleste leverer skjemaet saman med skjemaet etter pbl. og vedlegga. 

• Dersom det søkast om matrikulering utan fullført oppmålingsforretning må grunngjeve søknad om dette leggast ved.
• Dersom det skal tinglysast rettar samtidig med oppretting av eigedommen må signert dokument som skal tinglysast leggast ved i to eksemplar
  
  For meir informasjon sjå Rekvisisjon av oppmålingsforretning | Kartverket.no 

Om det frådelte arealet ligg på landbruksareal så må ein søke om godkjenning etter jordlova jf jordlova §§ 9 og 12. Dette er eit gebyrbelagt handsaming. 

sjekk Søk gård (nibio.no) for å finne ut om din eigedom er registrert med landbruksareal. 

Det må sendast inn krav om matrikulering og rekvisisjon av oppmålingsforretning, før slik oppmåling kan haldast.

Kravet kan sendast samstundes med søknad om deling, eller etter at det er gjeve løyve til deling. Det må leggast ved saksreferanse til løyve til deling/oppretting eller endring av eigedom. Det vert teke oppmålingsgebyr for dette arbeidet, jamfør forskrift om gebyr for dette arbeidet og gjeldande gebyrregulativ. 

Dersom det ikkje er sendt inn krav om matrikulering og rekvirert oppmålingsforretning innan 3 år etter delingsløyvet, fell løyvet til deling bort. Vilkår i løyvet må du sørge for vert oppfylt innan denne fristen. Du må og sørge for at det ikkje føreligg forhold som hindrar matrikulering (oppretting/endring og tinglysing av eigedom) innan same 3-årsfrist.

• Saksbehandlingstid for delingssaker etter plan- og bygningslova er enten 3 eller 12 veker frå søknaden er komplett. 
• Blir det søkt om frådeling av ein landbrukseigedom, må søknaden også behandlast av landbrukskontoret i samsvar med  Jordlova § 12. (eigen sakshandsamingstid) 
  • Dette blir gjort i eiga sak før vedtak etter plan- og bygningslova.
  • Prinsipielle saker skal handsamast politisk (og ein må tilpasse sakshandsamingstid etter politisk møteplan)

I tilleg til sakshandsamingstid etter plan-og bygningsloven kjem det i delesaker også sakshandsamingstid for oppmåling etter matrikkellova. 

• Sakshandsamingstid for oppmålingsforretning er normalt 16 veker, men lengre om vinteren (grunna frost og tele) 

Oppsummering:
* Delingsløyve etter pbl. vert sakshandsama innan enten 3 eller 12 veker, jf. pbl. §21-7. 
    * Ved søknad om dispensasjon som må på høyring vert det i tillegg lagt til 4 veker. 
* Eventuellt jordlovsvedtak vert sakshandsama innan gitt frist
* Oppmåling etter matrikkellova vert normalt sakshandsama innan 16 veker (lenger på vinteren). 

NB! Dersom det er behov for hurtig frådeling eller utsett erking kan det søknast om matrikulering utan fullført oppmålingsforretning (MUF). Kan berre gjerast ved frådeling av grunneigedom. 

Fleire av eigedomsgrensene vi har i dag er særs unøyaktig innregistrert i matrikkelen. Det er derfor stort sett behov for å foreta nye innmålingar når det vert søkt om å dele eller endre ein matrikkeleining (eigedom). 

Du som grunneigar (og naboane rundt) vert difor kalla inn til oppmålingsforretning. Normalt vert innkallinga sendt 14 dager før oppmålinga finn stad. 

Gjeldande gebyrregulativ