Det er vegen som går gjennom Pålhaugen omsorgssenter som no ska få offisielt namn. Erlend Friestad

Fristen for å kome med merknadar er 13. september 2026.

I reguleringsplanen Pålhaugen 3 er det regulert inn ein ny veg som må få tildelt namn.

Tilrådd vegnamn

Namneutvalet har behandla saka og tilrår samrøystes namnet Pålhaugstubben.

Grunngjevinga er at vegen ligg i eit område som har vore kalla Pålhaugen i meir enn 150 år, og at han fører fram til Pålhaugen omsorgsbustader.

Namneutvalet viser også til at det i nærområdet tidlegare er nytta tilsvarande namneskikk på korte blindvegar, mellom anna Myrastubben, Brekkestubben og Remastubben.

Saka er ute på høyring

Forslaget til vegnamn vert lagt ut til offentleg ettersyn i samsvar med stadnamnlova paragraf 8.

Alle som ønskjer det kan sende inn merknadar eller innspel til namneforslaget.

Slik sender du inn innspel

Fristen for å sende inn merknadar er 13. september 2026.

Du kan sende innspel via det elektroniske høyringsskjemaet:

Send inn høyringssvar

Du kan også sende brev til:

Hareid kommune
Rådhusplassen 5
6060 Hareid

Merk innspelet med saksnummer 24/2087.

Kva skjer vidare?

Etter at høyringsfristen er ute, vil administrasjonen oppsummere innspela som har kome inn. Saka går deretter til behandling i næring- og miljøutvalet, formannskapet og til slutt kommunestyret, som gjer endeleg vedtak om vegnamnet.