Solveig Ertesvåg, Siw Olsen og Linn-Kristin Hoddevik er styrarar i dei kommunale barnehagane i kommunen.
Erlend Friestad
- Ja, kom og leik med oss, det er vi gode på. I Hareid-barnehagane møter du som føresett og barna dine opne armar og gode blikk, seier styrar i Syverplassen barnehage, Solveig Ertesvåg.
Laurdag 1. mars er frist for å søkje seg til barnehage i hovudopptaket. Etter dette må barnet ditt eventuelt stå på venteliste.
LES OGSÅ: Her søker du barnehageplass
Hareid kommune er veldig stolte av barnehagane våre, og med god grunn. I innbyggarundersøkingane til Hareid kommune, er barnehagane den tenesta som får høgast karakter av brukarane.
- Vi brenn for å danne trygge og nære relasjonar som gjer at borna kjenner at dei høyrer til og har eit fellesskap. Vi gler oss over å sjå at barna undrar seg, lærer nye ting og meistrar dei seier, Linn-Kristine Hoddevik, fungerande styrar i Hareid barnehage.
Varme og interesserte tilsette
I barnehagane våre vil du møte trygge, gode tilsette med glede og humor. Vi legg til rette for eit leikemiljø inne og ute for å gjere borna interessert, nysgjerrige og vekke skapargleda. Språk og leik er satsingsområde for alle barnehagane i Hareid.
- Det er ikkje nokon betre måte å starte dagen på, enn med smil og gode klemmar frå born og tilsette som er glade for å sjå deg. I våre barnehagar møter du varme, interesserte og kompetente tilsette, seier Siw Olsen, styrar i Bigset barnehage.
Vi legg vekt på eit næringsrikt og sunt kosthald med gode råvarer, mellom anna får vi all brødmat får vi frå det lokale bakeriet Mjøl og Meir.
Snakk med oss!
Ta gjerne direkte kontakt om du vurderer du å søkje barna dine inn i ein av dei kommunale barnehagane.
- Linn-Kristine Hoddevik, fungerande styrar i Hareid barnehage når du på 41 69 35 60.
- Solveig Ertesvåg, styrar i Syverplassen barnehage, når du på 91 86 52 68
- Siw Olsen, styrar i Bigset barnehage, når du på 97 59 24 84
Her kan du lese meir om dei kommunale barnehagane: