Erlend Friestad
Kvifor kjem det ei ny forskrift?
Stortinget har vedteke endringar i barnehagelova og finansieringa av private barnehagar. Ei viktig endring er at kommunen ikkje lenger skal fastsetje tilskot gjennom årlege enkeltvedtak.
I staden skal kommunen fastsetje satsane i ei lokal forskrift. Forskrifta skal gi tydelege rammer for korleis grunntilskotet til private barnehagar blir berekna.
Kva handlar høyringa om?
Forslaget til forskrift gjeld alle godkjende private barnehagar i Hareid kommune som har rett til tilskot etter barnehagelova § 19.
Gjennom høyringa ønskjer kommunen særleg innspel på om
- forskrifta gir tydelege nok rammer for fastsetjing av tilskot
- skildringa av grunntilskot er klar og forståeleg
- forskrifta bidreg til føreseielegheit og likebehandling
- det er behov for presiseringar innanfor nasjonalt regelverk
- berekningsgrunnlaget er godt nok forklart til å kunne etterprøvast
- det er feil i kommunen sitt berekningsgrunnlag
Høyringsdokument
Desse dokumenta ligg ved saka:
Slik sender du innspel
Har du innspel, kan du sende dette via skjemaet på denne lenka og merke det med saksnummer 26/560.
Send inn svar.
Frist for å svare
Fristen for å sende inn høyringssvar er 16. august 2026.