Ville du sveipa til høgre her? Erlend Friestad/pexels.com

Alder: Tidlaus
Bustad: Midt i hjartet av Sunnmøre
Status: I full utvikling
Ser etter: Nye innbyggarar, dyktige kollegaer og fleire som vil vere med å skape gode dagar

✨ Om meg

Eg er ei vakker bygd i Sunnmøre som kombinerer det beste av natur, folk og moglegheiter. Her vaknar du med fjell og fjord rett utanfor døra, og sovnar med kjensla av å høyre til. Eg ligg sentralt i regionen – med kort veg til vidaregåande skular, byliv, flyplassar, kollektiv og ein stor, variert arbeidsmarknad.

Eg utviklar meg stadig, og trivst aller best når folk engasjerer seg – i næringsliv, frivilligheit, kultur eller kvardagspraten på kafeen.

🌱 Mine beste sider

• Folka: Utruleg mange kjekke, varme og kunnskapsrike menneske. Her møter du engasjement, dugnadsånd og ekte vilje til å få ting til – saman.
• Naturen: Lågterskelopplevingar eller luftige fjellturar? Sommarbading, vinterbading, bærtur, soppsanking eller ein stille roleg kveld ved fjorden – du vel.
• Born og unge: Rikt aktivitetstilbod, gode oppvekstvilkår – og barnehagar og skular med dyktige, varme tilsette.
• Kulturbygda: Levande kulturliv, eldsjeler med drivkraft og mykje som skjer – fordi folk bryr seg.
• Næringslivet: Sterkt, spennande og framtidsretta. God samhandling mellom næringsliv, kommune og organisasjonar skaper utvikling og arbeidsplassar.
• Det gode livet: Koselege kaféar, Sunnmøres finaste badestrand – og den beste saunaen i mils omkrets 

🧭 Interesser

Friluftsliv i alle former, gode samtalar, musikk – frå kor og korps til rock og elektronika, fellesskap,  kultur, utvikling, barnelatter, robuste arbeidsplassar og langsiktige relasjonar.

💬 Eg ser etter deg som

• vil bu ein stad der det er rom for både ambisjonar og kvardag. 
• ønskjer ein trygg og aktiv oppvekst for borna dine. 
• vil bruke kompetansen din i eit spanande arbeidsliv – og samstundes ha tid til fjelltur etter jobb. 
• har lyst til å vere med og forme framtida, ikkje berre flytte inn i ho.

👉 Kjenner du deg igjen?
Ta kontakt. Hareid er klar for deg 

Interessert i jobb?

Interessert i tomt?